«Бузургдошти Парчами миллии Ҷумҳурии Тоҷикистон»-силсилаконфронсҳо

Панҷакент, 23.11.2015. (АМИТ «Ховар»).-Дар  коллеҷҳои омӯзгорӣ, тиббӣ  ва Литсеи касбию техникии  ш. Панҷакент  ба ифтихори Рӯзи Парчами миллии Ҷумҳурии Тоҷикистон  дар мавзӯи «Парчамат парафшон бод » мизи мудаввар баргузор гардид. Ба иттилои муовини раиси шаҳр Маҳбуба Гадоева  дар 14 ҷамоати шаҳраку деҳоти ноҳия бахшида ба рӯзи Парчами Ҷумҳурии Тоҷикистон  дар мавзӯи  «Бузургдошти  Парчами миллии Ҷумҳурии Тоҷикистон» бо иштироки кормандони Мақомоти иҷроияи ҳокимияти давлатии шаҳр, фаъолони ҷамоатҳо ва  мақомоти ҳифзи ҳуқуқ  конфронсҳо ҷараён доранд. 
 Имрӯз, 23 ноябри соли равон тибқи нақшаи чорабиниҳо   бо иштироки шаш ҳазор нафар дар маркази  ноҳия роҳпаймоӣ   ва маҷлиси тантанавию барномаҳои   консертӣ баргузор   мегарданд.