Дар Канада масҷидро оташ заданд

Душанбе, 16.11.15. (АМИТ «Ховар»). — Шахсони  номаълум  дар  шаҳри Нетерборои  музофоти Онтариои  Канада  масҷидро дар  аснои  ид ба  муносибати  таваллуди  кӯдак  оташ  заданд. Агентии  «Ассошиэйтед пресс» зимни  истинод ба пулиси  маҳаллӣ  дар  ин  бора  хабар дод. 
Роҳбари ҷамоаи   мусулмонон Кензу Абдулло изҳор  дошт, ки  бинои  масҷид баъди  сӯхтор хароб  гардида, дигар  мавриди  истифода  қарор  намегирад. Кензу Абдулло масҷидро «маъвои  сулҳу  субот» қаламдод  карда, ҳамлагаронро   маҳкум  намуд. 
Пулиси  шаҳр  итминон  дорад, ки  сӯхтор  натиҷаи  аъмоли   сӯиқасдчиён аст.