Иштироки 5 корхонаи коркарди мева ва сабзавоти тоҷик дар «ПродЭкспо — 2015»

Душанбе, 10.11.2015. (АМИТ «Ховар).- Панҷ корхонаи коркарди мева ва сабзавоти Тоҷикистон дар намоишгоҳи байналмилалии саноати ғизо ва нӯшокӣ, мавсум ба «ПродЭкспо — 2015» дар шаҳри Мински Беларус иштирок меномоянд. Ин намоишгоҳ аз 10 то 13 ноябр доир мегардад.
Дар «ПродЭкспо — 2015» ҳудуди дуввуним ҳазор корхонаву ширкати беш аз 60 кишвари Аврупову Осиё, Африқову Амрико ва Австралия ширкат меварзанд.
Иштироки корхонаҳои Тоҷикистон ва ҷойгир кардани лавҳаи махсуси кишвар дар ин намоишгоҳ бо кумаки молӣ ва фаннии «Барномаи рушди савдои СММ дар ҶТ» ва дастгирии Палатаи савдо ва саноати кишвар сурат мегирад.
Тибқи иттилои мақомоти  вилояти Суғд, дар намоишгоҳ ҶДММ «Меваи тиллоӣ»-и шаҳри Исфара, ҶДММ «Меваи Канд»-и шаҳри Конибодом, ҶСК «Абрикос»-и ноҳияи Ашт ва Кооперативи истеҳсолии  «Искич»-и Ҳисор ширкат меварзанд.