Иштироки Тоҷикистон дар Бозори хайрияи кишварҳои Осиё дар Қоҳира

Душанбе, 16.11.2015. (АМИТ «Ховар»).-14 ноябри соли 2015 дар меҳмонхонаи Конрад дар Қоҳира Сафорати Тоҷикистон дар Бозори хайрияи солонаи кишварҳои Осиё, ки онро Анҷумани ҳамсарони сафирони кишварҳои осиёӣ баргузор намуд, иштирок кард. Бозори хайрияро ҳамсари вазири корҳои хориҷии Миср Сузӣ Шукрӣ дар ҳузури намояндагони Анҷумани ҳамсарони дипломатҳои осиёӣ ва шаҳрвандони кишварҳои осиёӣ дар Қоҳира кушод. Гӯшаи Тоҷикистонро намунаҳои фаровардаҳои ҳунарҳои дастӣ, ки дар байни гардишгарони хориҷӣ шуҳрати фаровон доранд, инчунин зардӯзӣ, сӯзанӣ, пироҳану либос ва шириниҳои миллӣ оро медоданд.
Дар бозори хайрия беш аз 20 кишвари осиёӣ ширкат намуда, даромади бозор ба ҳадафҳои хайрия сарф гардид.