Конститутсия бахтномаи миллат аст

Душанбе, 5. 11. 2015. (АМИТ «Ховар»).- 4 ноябри соли равон  бахшида ба 21-умин солгарди Рӯзи Конститутсияи (Сарқонуни) Ҷумҳурии Тоҷикистон дар Донишгоҳи давлатии Қурғонтеппа ба номи Носири Хусрав бо иштироки аъзои фаъоли гурӯҳи «Пешоҳанг»-и вилояти Хатлон таҳти унвони «Конститутсия бахтномаи миллат» мизи мудаввар баргузор гардид.
Дар он ҷавонону донишҷӯён андешаҳои худро бобати аҳамияти таърихии қабули Конститутсияи (Сарқонуни) Ҷумҳурии Тоҷикистон аз тариқи раъйпурсии умумӣ ва нақши он дар пешрафти ҷомеа баён доштанд.
Зикр гардид, ки Конститутсияи (Сарқонуни) Ҷумҳурии Тоҷикистон арзиши олӣ доштани инсон, ҳуқуқ ва озодиҳои онро яке аз нишонаҳои  асосии  давлати  демократӣ меҳисобад. Нақши Конститутсия дар таҳкими маърифати фарҳангии ҷомеа муҳим аст.  
-Мо,  аъзои фаъоли гурӯҳи «Пешоҳанг»-и вилояти Хатлон ифтихор аз он дорем, ки бо қабули Сарқонуни Тоҷикистон соҳибистиқлолии худро дар фазои худшиносиву худогоҳӣ ва ваҳдати миллӣ, тинҷиву оромӣ ва якпорчагии давлати соҳибистиқлоламон таҷлил менамоем,-зикр намуданд иштирокчиёни мизи мудаввар.