Мактаби Зелолак дубора мавриди баҳрабардорӣ қарор гирифт

Душанбе, 24.11.2015. (АМИТ «Ховар»).- Бинои мактаби таҳсилоти миёнаи умумии рақами 22, воқеъ дар деҳаи Зелолаки ҷамоати деҳоти Шугнови ноҳияи Ховалинг аз ҷониби корхонаи заршӯии «Помир» бо сарфи беш аз 1 миллион сомонӣ, ки дар ҳолати садамавӣ қарор дошт, навсозӣ шуда, мавриди баҳрабардорӣ қарор гирифт.
Муассиса дорои 10 синфхона ва ду ҳуҷраи корӣ барои омӯзгорон мебошад. 
«Дар бунёди ин муассисаи таълимӣ мақомоти иҷроияи ҳокимияти давлатии ноҳияи Ховалинг ва мардуми деҳаи Зелолак низ саҳмгузоранд. Чанде пеш марди саховатпеша Дилшод Самадов, роҳбари корхонаи заршӯии «Помир» синфхонаи компютерии мактаби тозабунёдро бо компютер таъмин намуд»,-иттилоъ дод директори мактаби мазкур Исмон Ҳалимов.