Муносибатҳои меҳнатӣ ва тартиби бастани шартномаҳои коллективӣ бояд чӣ гуна сурат гиранд?

Душанбе, 21.11.2015. (АМИТ Ховар).-Мақсади гузаронидани машварат  дар  шаҳри Чкалов дар мавзӯи «Муносибатҳои меҳнатӣ ва тартиби бастани шартномаҳои коллективӣ» дар ташкилоту муассисаҳо ташкил намудани намояндагии кормандон, ба имзо расонидани шартномаҳои коллективӣ, пешгирӣ намудани ҳодисаҳои нохуш дар истеҳсолот, бартараф намудани қарз аз музди меҳнат, фаҳмонида додани ҳифзи ҳуқуқҳои кормандон ва корфармоён буд.
Дар машварат миёни корфармоён ва мутахассисони соҳа доир ба Кодекси меҳнати Ҷумҳурии Тоҷикистон, қонунҳои ҶТ «Дар бораи ҳифзи меҳнат», «Дар бораи шарики иҷтимоӣ, созишномаҳо ва шартномаҳои коллективӣ», «Дар бораи суғуртаи давлатии иҷтимоӣ», «Дар бораи Иттифоқи касаба», бартараф намудани қарздории музди меҳнат саволу ҷавоб доир гардида, корфармоён оид ба масъалаҳои ҳифзи меҳнат, бастани шартномаву созишномаҳои коллективӣ, ҳуқуқҳои корфармою корман, муҳлати пардохти музди маоши кормандон аз тарафи корфармоён, тартиби пур кардани дафтарчаҳои меҳнатӣ, додани рухсатиҳои ҳомиладорӣ ва ҳодисаҳои нохуш дар истеҳсолот ҷавобҳои мушаххас гирифтанд.