Нишаст оид ба беҳтар намудани фазои сармоягузорӣ дар Нуробод

Нуробод, 13.11.2015. (АМИТ «Ховар»).-Дирӯз, 12 ноябри соли 2015 дар асоси нақшаи  Шӯрои машваратии  назди Президенти Ҷумҳурии Тоҷикистон  оид ба беҳтар намудани  фазои сармоягузорӣ  ҳамчун воситаи муколамаи  озоди давлат бо  бахши хусусӣ  дар Мақомоти  иҷроияи ҳокимияти давлатии  ноҳияи Нуробод мизи мудаввар баргузор гардид.  Дар нишаст котиби Шӯрои машваратӣ  оид ба беҳтар намудани   соҳибкорӣ  ва  фазои сармоягузорӣ дар водии Рашт Зафар Ҳисориев, намояндагон аз   ноҳияҳои Ҷиргатол, Тоҷикобод, Рашт, Тавилдара, Нуробод    ва намояндагони  САҲА  дар  водии Рашт иштирок доштанд.
Ҳадафи мизи мудаввар  аз тақвият бахшидан ба кори шӯро, амалӣ намудани барномаи  Шӯрои машваратӣ  оид ба беҳтар намудани  соҳибкорӣ ва фаъолияти  сармоягузорӣ дар водии Рашт ва дар доираи  лоиҳаи  барномаи  рушди СММ  оид ба  » Баланд бардоштани  некуаҳволии  аҳолии деҳот дар нуҳ ноҳияи Ҷумҳурии Тоҷикистон » иборат буд.