Омодагии раёсати маорифи ноҳияи Тавилдара ба давраи зимистон

Тавилдара, 3.11.2015. (АМИТ «Ховар»).-Раёсати маорифи ноҳияи Тавилдара барои давраи зимистонгузаронии  муассисаҳои таҳсилоти умумии ноҳия 218 тонна ангишт, 532 метри кубӣ ҳезум, 38 метри квадратӣ  шиша ва 180 литр сӯзишвории дизелӣ захира намудааст. Тибқи иттилои мудири раёсати маорифи ноҳия Шодӣ Раҳмонов, соли ҷорӣ бо роҳхати Вазорати маориф ва илми Ҷумҳуриии Тоҷикистон  37 мутахассиси ҷавон, ки аз онҳо 13 нафараш духтар мебошад, дар муассисаҳои таълимии ноҳия бо кори доимӣ таъмин гардиданд. Инчунин соли ҷорӣ дар муассисаҳои таълимии ноҳия  12 синфхонаи иловагӣ сохта  шуда, як қисми он дар истифода буда, қисми дигараш дар арафаи анҷомёбист. 
    Раёсати маорифи ноҳияи  Тавилдара дар соли хониши  2015-2016    27 муассисаи таҳсилоти умумӣ,  10 муассисаи таҳсилоти  асосӣ, 21 муассисаи таҳсилоти  ибтидоӣ, 1 кӯдакистон, 14 маркази  инкишофи  кӯдак дар назди муассисаҳои  таҳссилоти умумӣ  ва 5236 хонанда  дорад.