Санҷиши ширкатҳои мобилии шаҳри Душанбе

Душанбе, 18. 11. 2015. (АМИТ «Ховар»).- Гурӯҳи кории Кумитаи забон ва истилоҳоти назди Ҳукумати Ҷумҳурии Тоҷикистон аз 9-ум то 20-уми ноябри соли равон ширкатҳои мобилии шаҳри Душанберо мавриди санҷиш қарор дода, аз натиҷаи он ва мушкилоти ҷойдошта дар ин самт ба Ҳукумати Ҷумҳурии Тоҷикистон гузориши муфассал пешниҳод менамояд. 
Бино ба иттилои кумита, Кумитаи забон ва истилоҳоти назди Ҳукумати Ҷумҳурии Тоҷикистон дар асоси фармоиши Кумита бо мақсади санҷиши вазъи иҷрои Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон”, дар асоси моддаҳои 14, 16 ва 17-и Қонуни мазкур дар ширкатҳои мобилии шаҳри Душанбе гурӯҳи корӣ санҷиш гузаронида истодааст. 
Аз ҷамъбасти санҷиш аз тариқи ВАО иттилоъ  дода мешавад.