Тӯфони «Барни» дар Ирландия

Душанбе, 21.11.2015. (АМИТ «Ховар»).- Бар асари тӯфони сартосарӣ дар Ирландия, ки ба он «Барни» ном ниҳодаанд, даҳҳо ҳазор сокинони ин кишвар аз таъмини неруи барқ маҳрум гардиданд.  
Хадамоти миллии обуҳавосанҷии Ирландия аҳолиро оид ба  таҳдиди гирдбоди навбатӣ, ки шояд қудрати решакан кардани дарахтонро дошта бошад, ҳушдор додааст. Ҳамчунин хатари сар задани обхезӣ низ дар ин минтақа дар назар аст. 
Тибқи гузоришҳо бештар қисми минтақаи ҷануби Ирландия зарар дида, бар асари тӯфон дарахтони зиёде бар рӯи автобусҳо ва дигар нақлиёти мусофирбар афтида, онҳоро корношоям кардаанд. Ҳамчунин парвозҳо ба фурудгоҳҳои ин минтақа бекор карда шудаанд.