Таҷлили Рӯзи парчам дар Хуҷанд
Хучанд, 25.11.2015. (АМИТ «Ховар»).- Дар шаҳри Хуҷанд Рӯзи парчами давлатӣ бо шукӯҳу шаҳомати хосса ва ботантана таҷлил гардид.
Субҳи барвақт наздики 15 ҳазор ҷавон бо парчами миллии дарозиаш 500 метр аз мавзеи «Гулбаҳор»- хиёбони И. Сомонӣ роҳпаймоии идонаро оғоз намуданд.
Дар сафи пеш наврасони дучархасавор ва картингронон бо парчами миллӣ иштирокдорони роҳпаймоиро роҳбаладӣ намуданд.
Иштирокдорони роҳпаймоӣ бо шиорҳои «Парчами Тоҷикистон парафшон бод!» ва «Поянда бош Тоҷикистон» то маркази баргузории чорабиниҳои идона- пояи Парчами миллии Ҷумҳурии Тоҷикистон дар назди Мақомоти иҷрояи ҳокимияти давлатии вилояти Суғд омаданд.
Баъдан дар мавзеи номбурда бо иштироки роҳбарони воҳидҳои сохтории шаҳри Хуҷанд ва вилояти Суғд, фаъолон, собиқадорони меҳнат ҳамоиши тантанавӣ баргузор гардид. Баъди садо додани Суруди миллӣ муовини раиси вилояти Суғд Назира Ғаффорӣ ва раиси шаҳри Хуҷанд Раҷаббой Аҳмадзода мардуми ҷамъомада ва сокинони вилояту шаҳрро бо иди Парчами миллӣ табрик намуданд.
Барномаи фарҳангии ҳунармандони маркази вилоят дар васфи ватан ва парчами миллӣ анҷомбахши чорабинии идона гардид.
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
