Тоҷикобод: таҷлил аз ҷашни Сарқонун-бахтномаи миллат

Тоҷикобод, 5.11.2015. (АМИТ «Ховар»).-«Конститутсия бахтномаи миллат ва таърихи навини миллати тоҷик аст. Хотиррасон бояд шуд, ки Сарқонуни Ҷумҳурии Тоҷикистон 6-уми ноябри соли 1994 аз тариқи раъйпурсии умумихалқӣ қабул гардида, аз 10 боб ва 100 модда иборат мебошад ва дар қатори даҳ Конститутсияи беҳтарини кишварҳои ҷаҳон қарор дорад»,-гуфт  раиси ноҳияи Тоҷикобод  Ализода Ҳусейн Хоҷамир зимни ҷамъомади тантанавӣ бахшида ба 21-умин солгарди  Сарқонуни Ҷумҳурии Тоҷикистон. Дар ҷамъомади тантанавӣ роҳбарони мақомоти ҳифзи ҳуқуқи ноҳия, фаъолон, донишҷӯён, роҳбарони ташкилоту муассисаҳо иштирок доштанд. 
Дар  хатми ҷамъомад  раиси ноҳия    ба як гурўҳ фаъолону собиқадорони ноҳия  раҳматнома ва туҳфаҳои пулӣ  супорид ва   ҳунармандони шуъбаи фарҳанги ноҳия   консерти идона баргузор намуданд.