Вазъи таъминот бо оби нӯшокӣ дар Кӯлоб беҳтар мегардад
Кӯлоб, 14.11.2015. (АМИТ «Ховар»).-Корхонаи обу корези шаҳри Кӯлоб ба беш аз 100 ҳазор аҳолӣ хизмат мерасонад. Солҳои охир барои таъмини сокинони шаҳри Кӯлоб бо оби ошомиданӣ бо дастгирии Ҳукумати Ҷумҳурии Тоҷикистон иншооти обрасонӣ таҷдид шуда, иқтидори истеҳсолии он баланд гардидааст. Ба гуфти Сафар Мардонов, сармуҳандиси корхона, оби нӯшокӣ ба шаҳри Кӯлоб асосан аз мавзеи Ҷангалак, ки 7 километр дуртар аз шаҳр ҷойгир аст, интиқол меёбад. Дар ин мавзеъ чашмаҳо зиёданд ва ҳолати санитарии онҳо нигаронкунанда буд. Бо назардошти ин вазъият чашмаҳои мавзеи мазкур таъмир шуда, иншооти наву замонавӣ бо нақби обрав ба истифода дода шуд. Баробари беҳтар гардидани сатҳи зиндагии мардум ва бунёди маҳаллаҳо, хонаҳои баландошёна ва коргоҳу корхонаҳо талабот ба оби нӯшокӣ афзоиш меёбад. Аз ҷониби дигар набудани оби полезӣ дар шаҳр кори кормандони Корхонаи обу корезро мушкил гардонидааст. Ба иттилои кормандони Корхонаи обу корези шаҳри Кӯлоб ҳоло аз пойгоҳҳои обкашӣ дар як шабонарӯз ба шаҳр аз 48 то 50 ҳазор куб об интиқол дода мешавад ва аз соли оянда ин рақам афзоиш меёбад.
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
