Вохӯрии Ҳамрохон Зарифӣ бо намояндаи Ширкати миллии радио ва телевизиони Япония

Душанбе, 27.11.2015 (АМИТ «Ховар»).- Сафири Фавқулода ва Мухтори Ҷумҳурии Тоҷикистон дар Япония Ҳамрохон Зарифӣ хабарнигор ва мақоланависи машҳури японӣ Исикава Итиёро, ки дар Ширкати миллии радио ва телевизиони Япония (NHK) фаъолият дорад, ба ҳузур пазируфт.
Сафир оид ба таъриху фарҳанги қадимии тоҷик, вазъи иқтисодӣ ва иҷтимоӣ, иқтидори захираҳои обию энергетикӣ ва дастовардҳои кишварамон дар давраи истиқлолият ба И. Итиё маълумоти муфассал дод.  Ҳамзамон масъалаҳои роҳандозии ҳамкорӣ  байни васоити ахбори оммаи Тоҷикистону Япония баррасӣ шуданд.
Исикава Итиё рӯзноманигори маъруфи японӣ мебошад, ки дар соҳаи сиёсати байналмилалӣ фаъолият дорад. Мавзӯъҳои асосии мақолаҳои рӯзноманигор — Иттиҳоди Шӯравӣ, иқтисодӣ ва сиёсати Иттиҳоди Давлатҳои Мустақил, масъалаҳои энергетикӣ ва амнияти стратегӣ мебошанд. И. Итиё бо чандин мукофоти бонуфузи японӣ ва хориҷӣ сарфароз гардидааст.