Вусъати ниҳолшинонӣ дар шоҳроҳи Душанбе-Хоруғ

Файзобод, 30.11.2015 (АМИТ «Ховар»).- Бо  рушд  ёфтани туризм   дар кишварамон  ва суръати тоза пайдо кардани корҳои сохтмонӣ дар НБО- Роғун  ҳамарӯза  тавассути шоҳроҳи  Душанбе- Хоруғ  садҳо меҳмонону сайёҳон  аз ҳудуди ноҳияи Файзобод  мегузаранд. Аз ин хотир кормандони Мақомоти иҷроияи ҳокимияти давлатии   ноҳияи Файзобод бо роҳбарии раиси ноҳия Раҷабзода Миралӣ дар ду ҷониби шоҳроҳи мазкур дар ҳудуди ноҳия, ки беш аз 50 километрро дар бар мегирад, се қатор дарахтони сояафкану ороишӣ ва ҳамчунин  боғҳои нав бунёд карда истодаанд.  
Тибқи иттилои  сардори бахши  ҳифзи муҳити зисти ноҳия  Маҳмадулло Назаров,   ҷамоатҳои деҳоти Бӯстон, Меҳрободу Вашгирд ва шаҳрааки Файзобод  бо масъулияти баланд  пайи ободкорӣ камар баста, то имрӯз  ба тариқи ҳашар 1776 бех дарахти сояафкану  ороишӣ шинониданд.