Ёддошти тафоҳум оид ба ҳамкорӣ дар соҳаи энергетика миёни Вазорати энергетика ва захираҳои об ва USAID

Ноябрь 21, 2015 04:24

Душанбе, 21.11.2015 (АМИТ «Ховар»).- Ёддошти тафоҳум оид ба ҳамкорӣ дар соҳаи энергетика миёни Вазорати энергетика ва захираҳои оби Ҷумҳурии Тоҷикистон ва Агентии ИМА оид ба рушди байналмилалӣ (USAID) 19 ноябр ба имзо расид, ки ба он вазири энергетика ва захираҳои оби Ҷумҳурии Тоҷикистон Усмоналӣ Усмонзода  ва Директори амалкунандаи намояндагии USAID дар Осиёи Марказӣ Дэвид Браун имзо гузоштанд.
 Иёлоти Муттаҳидаи Амрико тасмим гирифтааст, ки бо Ҳукумати Ҷумҳурии Тоҷикистон доир ба сиёсати энергетикӣ ва рушди гуногунии энергия ҳамкорӣ намояд. Директори амалкунандаи намояндагии USAID ҷаноби Браун зикр намуд, ки: «USAID хеле хушҳол аст, ки ҳамкории мо ҷиҳати мусоидат ба ислоҳоти соҳаи саноати дохилӣ, аз ҷумла коҳиши бесамари амалиётӣ ва идора ва гузоштани саноати энергетикии дохилиро ба роҳи устувории молиявӣ ва амалиётӣ ба расмият даромад».
 Ҳукумати Ҷумҳурии Тоҷикистон то ин вақт аллакай якчанд қадами муҳимро дар роҳи беҳтаргардонии идораи соҳаи энергетика дар натиҷаи татбиқи тавсияҳои ширкати «Корпорэйт Солюшнз», ки аз ҷониби Бонки Рушди Осиё (БРО) сарпарастӣ мегардид, гузоштааст. Мушовирони USAID бо ширкати «Корпорэйт Солюшнз» барои мусоидат ба татбиқи бозсозии сохтори Барқи Тоҷик ва дастгирии ин барномаи аз ҷониби БРО дастгириёбанда ҳамкорӣ хоҳанд намуд.
 Имзои Ёддошти тафоҳуми мазкур ташаббуси наверо барои ҳамкорӣ миёни Иёлоти Муттаҳида ва Тоҷикистон бо ҳамроҳ намудани Вазорати энергетика ва захираҳои об ва ширкати Барқи Тоҷик дар доираи лоиҳаи USAID «Энерҷи линкс» роҳандозӣ менамояд. Тавассути лоиҳаи «Энерҷи линкс» USAID тасмим дорад ба вазорат кумаки техникию хизматрасониҳои машваратӣ ва доираи васеи барномаҳо барои такмили иқтидор баҳри таъмини дастгирӣ ҳам ба вазорат, ҳам ба «Барқи Тоҷик» расонад.
 Директори амалкунандаи намояндагии USAID ҷаноби Браун ҳамчунин изҳор дошт: «Мо таъсиси низоми самараноку устувор ва бозаргониро барои идораи захираҳои неруи барқ ва оби фаромарзӣ дастгирӣ менамоем. Он ба ҷалби сармоя ба инфрасохтори энергетикии миллӣ ва минтақавӣ ва ҳамчунин тавсеаи тиҷорати неруи барқ дар минтақаи Осиёи Марказӣ ва миёни Осиёи Марказӣ ва минтақаҳои ҳамҷавор кумак менамояд».
 Ҳукумати ИМА тавассути USAID инчунин Котиботи лоиҳаи хатти интиқолии «CASA-1000»-ро дастгирӣ менамояд. Захираҳои Тоҷикистон барои таъмину интиқоли неруи барқ барои муваффақияти ин лоиҳа ва дар навбати худ барои лоиҳаи «CASA-1000» барои рушди минбаъдаи иқтидори Тоҷикистон дар фурӯши неруи барқ на танҳо ба Осиёи Марказӣ, балки ба Осиёи Ҷанубӣ низ аҳамияти калидӣ дорад. Ин талоши бозорӣ барои тавлиди даромади зарурӣ ва роҳҳои алтернативӣ барои таъмини неруи барқ имкониятро фароҳам меоварад, ки он норасоии неруи барқро, ки эҳтимолан Тоҷикистон дар оянда дучор мешавад, пешгирӣ кунад.

Ноябрь 21, 2015 04:24

Хабарҳои дигари ин бахш

Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд