ЮНЕСКО номзадии «Чакан» — ро барои ворид кардан ба феҳрасти муаррифии мероси фарҳангии ғайримоддии башарият баррасӣ мекунад

Душанбе, 26.11.15. (АМИТ «Ховар»). — Аз  29  ноябр  то  4  декабр  дар  шаҳри Виндҳуки Намибия  ҷаласаи  Кумитаи  байниҳукуматӣ оид ба  мероси фарҳангии ғайримоддӣ  баргузор  мешавад.
 Дар ҷаласа  ҳафт  номзад  барои ворид  намудан  ба феҳрасти  иншоотҳои  мероси  фарҳангии ғайримоддӣ, ки ба  ҳифзи таъҷилӣ эҳтиёҷ  доранд ва сию чор номзад барои   ворид  намудан  ба  феҳрасти муаррифии  мероси  фарҳангии ғайримоддии  башарият  баррасӣ  мешаванд.
Чакан, ки санъати  бахиядӯзӣ  дар  Кӯлоб ба  шумор  меравад, соли  2015  номзад барои ворид  намудан ба феҳрасти  мероси фарҳангии  ғайримоддии  башарият  гардид. 
Ғайр  аз  ин, бархе принсипҳои ахлоқӣ, ки  бояд барои ҳифзи  мероси  ғайримоддӣ  риоя шаванд,  мавриди баррасӣ  қарор  мегиранд. 
Имрӯз  феҳрасти  муаррифии  мероси  фарҳангии  ғайримоддии  башарият 314  иншоотро  дар  бар  мегирад.