30 сокини Нигерия қурбони ҷангиёни «Боко Ҳарам» гардид

Душанбе, 16.12.15. (АМИТ «Ховар»).  Силоҳбадастони  гурӯҳи  террористии «Боко Ҳарам» — и «Музофоти Африқои  Ғарбии  ДИ» ба  се  деҳаи  қисми шимолу  шарқии  Нигерия  ҳамла оварда, 30  нафарро  кушта,  20  нафарро  бо  корд  захмӣ  карданд. 
Ҳамла  12  декабр  оғоз  ёфта  бошад  ҳам,  дар  бораи он  дер  хабар  дода шуд:  террористон ҳангоми ҳамлаҳои  пештара  деҳаҳоро аз  мухобира  маҳрум  сохтанд, хабар  медиҳад  РИА Новости.
Гурӯҳи «Боко Ҳарам», ки моҳи  марти  соли  2015  ба «Давлати  исломӣ»  пайваста буд,  дар  шимолу шарқи  Нигерия   амал  мекунад. Силоҳбадастон  мунтазам   амалиёти террористӣ  содир  намуда,  онро  ҷавоб ба маъракаи  харбии  зидди  Нигер, Камерун ва Чад  маънидод  мекунанд.