Ҳаҷми истеҳсоли маҳсулоти кишоварзӣ ба 5 миллиарду 85,3 млн. сомонӣ расид

Хуҷанд, 17.12.2015 (АМИТ «Ховар»).- Соҳаи кишоварзӣ яке аз самтҳои асосӣ ва афзалиятноки пешбурди иқтисодиёти вилояти Суғд  маҳсуб шуда, нақши он дар  таъмини амнияти озуқаворӣ, рушди соҳаҳои саноат, афзоиши имкониятҳои содиротии вилоят ва таъсиси ҷойҳои нави корӣ хеле муҳим аст.
Дар ёздаҳ моҳи соли равон кишоварзони вилоят барои  рушди соҳа  тадбирҳои судманд  андешиданд. Дар натиҷа то 1 декабри  соли ҷорӣ дар ҳамаи шаклҳои хоҷагидории вилоят ба маблағи  5 миллиарду 85,3  млн. сомонӣ маҳсулоти кишоварзӣ истеҳсол шуд, ки  нисбат ба ҳамин  давраи соли гузашта 102,5 фоизро ташкил медиҳад.