А.Қурбониён: «Президенти Тоҷикистон дар байни мардуми кишвар обрӯи баланд дорад»

Душанбе, 28.12.15. (АМИТ «Ховар»). — «Мақоми Президенти Ҷумҳурии  Тоҷикистон  Эмомалӣ  Раҳмон  дар  таърихи  навтарини  Тоҷикистон беназир аст. Вай  дар  байни  мардуми  кишвар обрӯи  баланд дорад»,  —  гуфт  вазири  молияи  ҶТ  Абдусалом  Қурбониён зимни  суханрониаш  дар  ҷараёни  маҷлиси  ботантана   бахшида ба  муҳокимаи Қонун «Дар  бораи Асосгузори  сулҳу  ваҳдати  миллӣ — Пешвои  миллат».
Вазир   ҳамчунин   изҳор  дошт, ки  лоиҳаи қонуни  мазкур  ба  манзури  таҳкими  асосҳои  конститутсионии  кишвар,  истиқлолият  ва тамомияти арзӣ,  ягонагии Ватан,  мавҷудияти  ояндаи  давлатдории Тоҷикистон,  таҳкими  демократия,  таъмини  рушди  иқтисодӣ  ва иҷтимоию  фарҳангӣ,  ҳифзи  арзишҳои  таърихии  давлатдории  миллӣ ва такомули  озоди ҳар  инсон  аст. 
Дар  ҷаласа  ҳамчунин  кормандони  вазорат   сухан  карда, лоиҳаи  қонунро, ки  9 ва  18  декабри  соли равон  аз  ҷониби ҳар  ду  палатаи Парлумони Ҷумҳурии Тоҷикистон  ҷонибдорӣ  гардид, дастгирӣ  намуданд.