Афзоиши шумораи гурезагон дар ҷаҳон
Душанбе, 18.12.2015. (АМИТ «Ховар»). — Шумораи гурезагон дар ҷаҳон то охири соли 2015-ум, ки ба анҷоми он рӯзҳои башумор мондааст, мумкин аст ба беш аз 60 миллион нафар расад, омадааст дар гузориши Раёсати комиссари олии СММ оид ба гурезагон. «Қариб миллион нафар Баҳри Миёназаминро ҳамчун гуреза ва ё муҳоҷир убур кардаааст, аммо ҳамоно низоъҳо дар Сурия ва дигар минтақаҳо идома доранду раванди гуреза шудан низ хотима наёфтааст. Воситаҳои зиёд кардани ранҷу азоби одамон ва ба ин хотир тарк кардани макони зисти худ дар соли 2015-ум, эҳтимол як соли рекордие шавад, ки дар ягон соли дигар ба қайд гирифта нашуда бошад»,- омадааст дар гузориш. Шумораи дақиқи гурезагон ба як фоизи аҳолии рӯи замин наздик мерасад. Ҳоло аҳолии кураи замин 7 милларду 300 миллион нафар мебошад.