Амалиёти «Суръат» дар қаламрави ҷумҳурӣ

Душанбе, 22.12.2015 (АМИТ «Ховар»).-  Яке аз қоидавайронкуниҳое, ки  бевосита ба вазъи  садаманокӣ ва вазнинии оқибатҳои он таъсири  манфӣ мерасонад, ин суръатафзоӣ мебошад. Таҳлилҳо нишон медиҳанд, ки зиёда аз 50%-и ҳодисаҳо бо сабаби суръатфизоӣ ба амал омадаанд.
Бо мақсади таъмини бехатарии ҳаракат дар роҳ ва пешгирии садамаҳои роҳу нақлиётӣ, вобаста ба вазъи садаманокии баамаломада Раёсати БДА ВКД Ҷумҳурии Тоҷикистон аз 22-юм то 30-юми декабри соли равон дар қаламрави ҷумҳурӣ амалиёти «Суръат»-ро  мегузаронад.
Раёсати БДА ВКД Ҷумҳурии Тоҷикистон аз ронандагон хоҳиш мекунад, ки ҳангоми ҳаракат дар роҳ беҳуда суръати воситаи нақлиётро баланд накарда, ҳамеша ба талаботи қоидаҳои ҳаракат дар роҳ риоя намоянд.