Ҳамоҳангсозони миллии СААД башиддат бад шудани вазъ дар Афғонистонро таъкид карданд
Душанбе, 12.12.2015 (АМИТ «Ховар»).- Масоили марбут ба вазъи ҳарбию сиёсӣ дар Афғонистон, чораҳои қабулнамудаи СААД доир ба коҳиши шиддати он ва гузаронидани чорабиниҳо дар асоси ҳуҷҷатҳои қабулнамудаи СААД доир ба мушкилоти Афғонистон дар ҷаласаи 22 Гурӯҳи корӣ доир ба Афғонистон дар назди Шӯрои вазирони корҳои хориҷии СААД дар Маскав баррасӣ шуданд.
Дар ҷаласа ҳамоҳангсозони миллии давлатҳои аъзои СААД доир ба Афғонистон, коршиносони идораҳои марбута ва кормандони котибот иштирок намуданд.
Ҳамоҳангсозони миллӣ якдилона тезутунд шудани вазъи кунунӣ дар Афғонистонро дар робита ба маҷмӯи омилҳои дохилӣ ва берунӣ таъкид намуданд.
Дар ин росто, онҳо роҳҳои вокуниши СААД дар ҳолати сар задани таҳдидҳои нав ба амнияти кишварҳои аъзои СААД-ро пешниҳод ва баррасӣ намуданд.
Тавре ки хадамоти матбуоти СААД иттилоъ медиҳад, дар ҷаласа масоили ташкилӣ, аз ҷумла гузаштани ваколати роҳбарии Гурӯҳи корӣ ба зиммаи Ҳамоҳангсози миллӣ доир ба Афғонистон аз Арманистон, ки соли равон раисӣ дар СААД-ро бар дӯш дорад ва тасдиқи нақшаи кории Гурӯҳи корӣ дар нимсолаи аввали соли 2016 баррасӣ шуданд.
Судяҳои Тоҷикистон дар Остона дар конфронси байналмилалӣ иштирок намуданд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
