Ҷангиёни ДОИШ занонро ҳамчун ғуломи ҷинсӣ истифода мекунанд

Душанбе, 16.12.2015. (АМИТ «Ховар»). — Корманди калони илмии Маркази тадқиқоти арабӣ ва исломии Донишкадаи шарқшиносии Академияи илмҳои Русия, номзади илмҳои таърих Борис Долгов гуфт, ки ҷангиёни «Давлати исломӣ» занонро ҳамчун зани ғайриникоҳӣ ва ғуломони ҷинсӣ истифода мекунанд.
«Ҷангиёни ДОИШ намояндагони динҳои дигарро ё маҳв мекунанд, ё маҷбур месозанд, ки Исломро қабул кунанд. Яке аз амалҳои ваҳшиёнаи онҳо, ин истифода кардани занон ҳамчун зани ғайриникоҳӣ, ғуломи ҷинсӣ ва дар беҳтарин ҳолат чун — ҳамсари муваққатӣ, мебошад», — гуфт Б. Долгов.
Чанде пеш иттилоъ дода шуд, ки дар биёбон дар шимоли Сурия зиндони зеризаминӣ бо даҳҳо зан ошкор карда шуд. Асирон соатҳо нафасгир шуда, дар қафасҳои торик ҷойгир карда мешуданд ва он ҷо онҳоро қариб ки намехӯронданд ва намегузоштанд, ки хоб кунанд. Ин зиндонро ҷангиёни гурӯҳи террористии ба ном «Давлати исломӣ» сохта буданд.