Ҳаёт Неъмати Самарқандӣ: «Мартабаи «Пешвои миллат» амри воқеист»

Декабрь 13, 2015 03:46

      Душанбе, 13.12.2015. (АМИТ “Ховар”). — Ман, шоири тоҷик, Ҳаёт Неъмати Самарқандӣ муддати зиёда аз 4 моҳ ин ҷониб дар Тоҷикистон қарор дорам ва аз ин пеш ҳам мунтазам бо кори эҷодӣ ба Тоҷикистон омада мерафтам, ё ин ки иртиботи доимӣ доштам. Ҳангоми са-фарҳоям ба ш. Душанбе бо чашми сар дидаам, инчунин борҳо аз забони мар-думи касбу кори гуногун ва намояндагони қишрҳои ҷомеа шунидаам,  ки онҳо дарҳақ нисбат ба Эмомалӣ Раҳмон меҳру муҳаббати зиёд доранд, ӯро дӯст медоранд. Ва аз ҳама муҳимаш меҳру муҳаббати халқ нисбат ба Эмомалӣ Раҳмон самимона ва аз таҳти дил аст. Ҳамин самимият, эҳтиром ва арзу сипоси миллати тоҷик ба Роҳбар, Сарвар ва Пешвои худ имрӯз ба таври мутантан зоҳир гашт.
Халқи Тоҷикистон Эмомалӣ Раҳмонро он замоне, ки
                           Як Халқу Миллат ба қисмат бишуд,
                           Ҳаме андарун чоҳи зиллат бишуд.
                           Ҳаме шуд тазоҳим, ҳаме нохушӣ,
                           Ва сар зад ҳаме ҷанги додаркушӣ,
дар Қасри Арбоби Хуҷанди  хуҷиста бо боварии комил ливои Миллатро ба ҷа-вони  чиҳилсолаи  ба  камолрасида супурд.
      Эмомалӣ Раҳмон ҷони худро ба гарав монда, мухолифинро ба  мадоро овар-да, дар Ватан Сулҳу Амнияту Ваҳдат барпо бинмуд.
      Эмомалӣ Раҳмон баҳри барҳам додани марази маҳалгароӣ, як Давлати панҷ-порае, ки  куҳҳои  касногузари то ба  абрҳо қадкашида,  ба  пайвандии он садди бузург буданд, гуфт  “бо нохун бошад ҳам,  куҳҳоро шикофта, ин давлати панҷпораро бо ҳам мепайвандам” ва   дили сангини куҳҳоро шикофта, чор гу-заргоҳи васеи зеркӯҳӣ-нақбҳо (тунелҳо)  — “Истиқлол”, “Шаҳристон”, “Чормағ-зак -Хатлон”, “Шар-Шар”, ҷамъ ба дарозии қариб бист километр  бунёд  наму-да,  пораҳои  аз  ҳам ҷудоро ба ҳам пайванд кард ва Тоҷикистонро ба як кишва-ри бутуни  ҳуқуқбунёд табдил намуд.
Яъне, Эмомалӣ Раҳмон нисбат ба дигар Президентҳои Ҷумҳуриҳои Осиёии собиқ Иттифоқи Шӯравӣ барои пешрафти мамлакат, халқу миллат корҳое кард, ки номи ӯро дар таърихи миллат абадан сабт намуд. 
 Халқи Тоҷикистон Эмомалӣ Раҳмонро ҳамчун “Пешвои миллат” эътироф карда буд ва имрӯз Маҷлиси намояндагони Маҷлисӣ Олӣ ин мартабаи олиро расман  ба доираи қонунгузорӣ ворид кард. 
       Эмомалӣ Раҳмон ба миллати тоҷик ва Тоҷикистон ҳамчун фарзанди  соди-қи миллат хизмат намуд, миллатро ҳам зарур аст, ки хизматҳои бузурги фар-занди худро қадр кунад ва воқен он рӯз даррасид, ки миллати тоҷик фарзан-дашро қадр намояд.  
      Маҷлиси намояндагони Маҷлиси Олии Ҷумҳурии Тоҷикистон кори бузургеро ба сомон расонид.  Қабули Қонуни ҶТ “Дар бораи Асосгузори сулҳу ваҳдати миллӣ — пешвои миллат”  саривақтӣ буда, хизматҳои бузурги Сардори давлати Тоҷикистон Эмомалӣ Раҳмон барои миллати тоҷик ва давлати Тоҷи-кистон қадрдонӣ шуд ва боварии комил гуфта метавонам, ки ин иқдомро ҳар як фарди тоҷик, қатъӣ назар куҷоӣ буданаш сидқан пазируфт.

Декабрь 13, 2015 03:46

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад