Беш аз 8 миллиард сомонӣ дар Буҷети давлатӣ ба бахши иҷтимоӣ равона мегардад
Душанбе, 01.12.2015.(АМИТ «Ховар»).- Дар нимаи дуюми моҳи ноябр вакилони палатаи поёнии Парлумони Тоҷикистон Буҷети давлатии Ҷумҳурии Тоҷикистон барои соли 2016-ро баррасӣ ва қабул намуданд. Мавриди зикр аст, ки ҳаҷми умумии даромади Буҷети давлатии Ҷумҳурии Тоҷикистон барои соли 2016 аз ҳисоби тамоми манбаъҳои маблағгузорӣ 18 миллиарду 305 миллиону 842 ҳазор сомонӣ муқаррар гардидааст.
Ҳаҷми умумии хароҷоти Буҷети давлатии кишвар барои соли 2016 -ум 18 миллиарду 594 миллиону 441 ҳазор сомонӣ муқаррар шудааст. Бояд тазаккур дод, ки Буҷети давлатии Ҷумҳурии Тоҷикистон барои соли 2016 мисли солҳои қаблӣ хусусияти иҷтимоии худро ҳифз намуда, ба ин самт 8,3 миллиард сомонӣ равона мешавад. Аз ҷумла, ба соҳаи маориф 3,1 миллиард сомонӣ, тандурустӣ 1,3 миллиард сомонӣ, ҳифзи иҷтимоии аҳолӣ ва таъминоти нафақа беш аз 3 миллиард сомонӣ нигаронида мешавад. Инчунин ба бахши хоҷагии манзилию коммуналӣ, ҳифзи муҳити зист ва хоҷагии ҷангал 661,8 миллион сомонӣ, комплекси сӯзишворию энерегетикӣ беш аз 4 миллиард сомонӣ, бахши кишоварзӣ, заминсозӣ ва хоҷагии об 430,2 миллион сомонӣ, истихроҷ ва коркардаи канданиҳои фоиданок, саноати истихроҷи маъданҳои кӯҳӣ ва сохтмон 121,1 миллион сомонӣ, нақлиёт ва коммуникатсия 864 миллион сомонӣ ва ба дигар соҳаҳои иқтисодиёт ва хизматрасонӣ 38 миллиону 378 ҳазор сомонӣ равона карда мешавад.
Дар Буҷети давлатии Ҷумҳурии Тоҷикистон барои соли 2016 андозаи ниҳоии ҳаҷми умумии касри Буҷети давлатӣ барои соли 2016 0,5 фоизи Маҷмӯи маҳсулоти дохилӣ /ММД/ ё ба маблағи 288 миллиону 599 ҳазор сомонӣ муқаррар гардидааст.
Мавриди зикр аст, ки пӯшонидани касри буҷет аз ҳисоби даромад аз хусусигардонӣ ва истифодаи моликияти давлатӣ, даромад аз фурӯши векселҳои хазинадорӣ, депозитҳои буҷети ҷумҳуриявӣ, иҷрои барзиёди нақшаи даромади буҷет ва қарзҳо (грантҳо) аз созмонҳои байналмилалии молиявӣ ва Фонди Авруосиёии устуворгардонӣ ва рушд пешбинӣ шудааст.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
