Чорабинии «Созандагони Ватан» ва Иттифоқи ҷавонон таҳти унвони “Интихоби ҷавонон — созандагӣ ва бунёдкорӣ!”

Ғафуров: 22.12.2015. (АМИТ «Ховар»). -Барои ҷалби ҷавонон ба чорабиниҳои фарҳангӣ ва ба ин васила дар завқи онҳо бедор сохтани  ҳисси зебоипарастӣ, дарёфт ва такмили истеъдоди наврасону ҷавонони лаёқатманд, густариши малака ва маҳорати суханронӣ дар байни ҷомеа ТҶҶ «Созандагони Ватан»-и ноҳияи Б. Ғафуров дар ҳамбастагӣ бо Иттифоқи ҷавонони ноҳия дар арафаи Соли нави мелодӣ “Маҳфили хушдилон ва ҳозирҷавобон”-ро байни дастаҳои муассисаҳои таълимии минтақаи Ёва дар заминаи Маркази таҳсилоти иловагии №4 гузаронид. 
Дастаҳо мутобиқи низомномаи тасдиқшуда аз рӯи 4 шарт байни ҳам қувваозмоӣ намуданд. Озмунро раиси ҳайати ҳакамон Ф.Ҳоҷиев ҷамъбаст намуда, ба ғолибон Ифтихорнома ва туҳфаҳои хотиравӣ супорид.