Дар Париж созишномаи таърихӣ тасвиб шуд

Душанбе, 13.12.2015 (АМИТ «Ховар»).- Созишномаи ҷаҳонӣ, ки бояд ҷойи Протоколи Киоторо гирад, дар Конфронси умумиҷаҳонии СММ оид ба иқлим дар Париж ба тасвиб расид. Ҳуҷҷати мазкурро 195 ҳайат аз тамоми ҷаҳон ҷонибдорӣ намудаанд. Дар ин бора ТАСС итилоъ медиҳад.
«Ягон зиддият аз ҷониби иштирокдорон набуд. Созишнома тасвиб шуд», — эълон намуд раиси саммити иқлим дар Париж вазири корҳои хориҷии Фаронса Лоран Фабиус.
Мақсади асосии созишнома-муваффақ шудан ба камкардани партовҳои газҳои гулхонаӣ ва ҳамин тавр нигоҳ доштани гармшавии глобалӣ дар сайёра дар доираи 1,5-2 дараҷа гармӣ нисбат ба ҳарорати миёнаи давраи пеш аз саноатӣ мебошад.