Дар вилояти Сари Пули Афғонистон 10 силоҳбадасти «Толибон» кушта шуд
Душанбе, 24.12.15. (АМИТ «Ховар»). — Назар ба хабари намояндагони ҳукуматҳои маҳаллӣ, дар ҷараёни задухӯрдҳои миёни толибон ва муҳофизони тартибот дар ҳудуди вилояти Сари Пули Афғонистон на камтар аз 10 нафар силоҳбадастон кушта ва 4 нафарашон захм бардоштанд.
Ба гуфтаи волии вилояти мазкур Муҳаммад Зоҳир Ваҳдат, амалиёти ҳарбӣ дар вулусволиҳои Созма — Қалъа ва Сайёд сурат гирифтанд. Дар ҷараёни муҳориба бо толибон 5 нафар муҳофизони тартибот, аз ҷумла қумондони пулиси маҳаллӣ ба ҳалокат расиданд.