Дастгир гардидани ғоратгар бо «изи гарм»

Душанбе, 15.12.2015. (АМИТ «Ховар) —  14 декабри соли равон, тахминан соати 17:15 шахси номаълум дар назди истгоҳи нақлиёти мусофиркашонӣ, воқеъ дар кӯчаи Назаршоеви пойтахт бо  роҳи  зӯроварӣ аз дасти зани 28 солаи сокини шаҳри Душанбе маблағи пулӣ ба миқдори 2000 сомонӣ ва як телефони мобилии тамғаи НТС-ро, ки арзишаш 700 доллари амрикоӣ мебошад,  тасарруф намуда, аз ҷойи ҳодиса ғайб задааст. 
Дар натиҷаи гузаронидани чорабиниҳои фаврӣ-ҷустуҷӯӣ, бо «изи гармо-гармӣ» бо гумони содир намудани ҷинояти ғоратгарӣ ҷавони 22 солаи сокини шаҳри Ваҳдат аз ҷониби кормандони милитсия дастгир шуд. Нисбат ба далели мазкур парвандаи ҷиноятӣ оғоз гардида, тафтиш идома дорад.