Ҳисоботи ширкатҳои хориҷии омӯзандаи конҳои маъдани Тоҷикистон

Душанбе, 21.12.15. (АМИТ «Ховар»). — Дар Сарраёсати  геологияи  назди  Ҳукумати  ҶТ машварати   навбатии ширкатҳои  хориҷию  дохилии омӯзандаи конҳои  маъдани Тоҷикистон баргузор гардид. 
Дар  машварат,  аз ҷумла,  намояндагони  ширкатҳои  «Газпром Эп Интернэшнл сервизис Б.В  дар  Ҷумҳурии  Тоҷикистон»,  «Бохтар оперейтинг Компани Б.В», «Сомон — ойл»,  «Эдго энержи С.А»,  ки  ба  омӯзиши конҳои нафту  газ  машғуланд, «ТВЕА Душанбе  саноати  кӯҳӣ», «Апрелевка»,  «Бунёд+АА», «Эксимком»,  «Кулла», «Сарват», «С.А.Минералис»,  ки  ба  омӯзиши  фулӯзоти  қиматбаҳо  машғуланд,  ҳамчунин  «Ширкати  кӯҳӣ  саноатии  Тоҷикистону  Чин», «Анзоб», «Камароб», «ВТИ — Помир» ва «Хаксин Ғаюр Индастриал», ки  ба омӯзиши  маъдани  хом  машғуланд  иштирок намуданд.
Сардори  Сарраёсати  геологияи  Тоҷикистон  Ҷумъазода  Мурод  Хол  дар  машварат  натиҷаи   фаъолияти  ширкатҳо тайи  соли  2015 — ро   шарҳ дода,   нақшаи корҳои иктишофӣ барои  соли  2016 — ро  муайян  кард.