Истеҳсоли 700 тонна мева дар Шаҳристон

Душанбе, 1.12.2015. (АМИТ «Ховар»).-Кишоварзони ноҳияи Шаҳристон соли равон дар майдони 16 ҳазору 544 гектар, аз ҷумла дар 13837 гектар ғалладонагӣ, 832 гектар картошка, 245 гектар сабзавот ва 1528 гектар зироати хӯроки чорво кишт карда, ҳосили фаровон ба даст оварданд.
Кишоварзон ва аҳолии ин ноҳия дар маҷмӯъ 20 226 тонна ғалла, 20 531 тонна картошка, 1416 тонна сабзавот, 700 тонна меваҷот ва 10862 тонна хӯроки чорво ҷамъоварӣ карданд, ки ин нисбат ба ҳамин давраи соли гузашта зиёд аст.