Муҳокимаи худкушӣ ва роҳҳои пешгирии он дар Зафаробод

Душанбье, 9.12.2015. (АМИТ «Ховар). — «Ҳолати истифодаи замин дар соли 2014 ва 10 моҳи соли 2015 оид ба истифодаи қитъаи заминҳои наздиҳавлигӣ аз тарафи шаҳрвандон» ва «Ҳодисаҳои худкушӣ дар соли 2015 ва роҳҳои пешгирии он» дар ҷаласаи Шӯрои ҳамоҳангсозии  мақомоти ҳифзи ҳуқуқ таҳти раёсати прокурори ноҳия Абдураҳмонзода Мирзошоҳ Сафаралӣ дар ноҳияи Зафаробод мавриди баррасӣ қарор гирифт.
Оид ба масъалаи якум ёрдамчии калони прокурори ноҳия Фурқат Абдуқаюмзода ва вобаста ба масъалаи дуюм муфаттиши прокуратура Исмоил  Усмонзода сухан гуфта, аз рӯи масъалаҳои мазкур шахсони масъул фикру мулоҳизаҳои худро баён доштанд.
Мутасаддиён бори дигар вазифадор гардиданд, ки оид ба истифодаи оқилонаи замин, аз гардиши кишоварзӣ берун намондани он, истифодаи самараноки қитъаҳои замини наздиҳавлигӣ, пешгирии ҳодисаҳои номатлуб, аз ҷумла   худкушӣ тадбирҳои муассир андешанд.