Муҳокимаи қонунгузории Ҷумҳурии Тоҷикистон оид ба ташхиси давлатии экологӣ
Душанбе, 26.12.2015 (АМИТ «Ховар»).- 24 декабр дар Кумитаи ҳифзи муҳити зисти назди Ҳукумати Ҷумҳурии Тоҷикистон дар мавзӯи «Талаботи қонунгузории Ҷумхурии Тоҷикистон дар соҳаи ташхиси давлатии экологӣ ва пешбурди фаъолият дар ин самт» машғулияти навбатии бозомӯзӣ доир гардид.
Сардори шуъбаи ташхиси давлатии экологии кумита Саидусмон Судуров дар бораи қонунгузорӣ, дигар масъалаҳои вобаста ба ташхиси давлатии экологӣ, моҳият ва зарурати омӯзиши объектҳои ташхисшавандаро ба таври муаррифӣ ба иштирокдорон фаҳмонид.