Мулоқоти раиси ноҳияи Мастчоҳ бо донишҷӯён

Хуҷанд, 21.12.2015.  (АМИТ «Ховар»). — Дар театри мазҳака- мусиқавии ба номи Камоли Хуҷандии вилояти Суғд мулоқоти раиси ноҳияи Мастчоҳ ва ноҳияи Ҷаббор Расулов бо донишҷуён баргузор гардид. Зимни мулоқоти хеш раиси ноҳияи Мастчоҳ  Ғайрат Азиззода бо донишҷӯён аз ғамхориҳои Ҳукумати кишвар нисбат ба ҷавонон ёдоварӣ намуда, изҳор дошт, ки дар давоми солҳои соҳибистиқлоли шароити таълиму таҳсил дар муассисаҳои олӣ ва миёнаи касбӣ боло бардошта шуда, дар маҷмӯъ ба соҳаи илму маориф таваҷҷуҳи бештар равона шудааст. Ҷавонон дар ҷавоб ба чунин ғамхорӣ бояд донишҳои заруриро аз бар намуда, дар оянда мутахассиси хуб ба воя расанд ва ба халқу миллати худ хидмати арзанда намоянд. 
Ҳадаф аз роҳандозӣ намудани мулоқоти раисони шаҳру навоҳӣ бо донишҷӯён- ин пеш аз ҳама, расидагӣ ба мушкилот ва ҳалли масъалаҳои донишҷуён мебошад. Ҳоло беш аз 1200  донишҷӯ аз ноҳияи Мастчоҳ дар  муассисаҳои таҳсилоти олии касбии маркази вилояти Суғд машғули донишандӯзӣ мебошанд.