«Нақши профессор Азиза Азимова дар рушди санъати рақси касбии тоҷик»-конфронси илмӣ
Душанбе, 5.12.2015. (АМИТ «Ховар»).- Дар толори консертии «Арғунун»-и Донишкадаи давлатии фарҳанг ва санъати Тоҷикистон ба номи Мирзо Турсунзода Конфронси ҷумҳуриявии илмӣ-эҷодӣ таҳти унвони «Нақши проофессор Азиза Азимова дар рушди санъати рақси касбии тоҷик» бахшида ба 100-солагии ҳаёт ва фаъолияти омӯзгориву эҷодии Ҳунапешаи халқии Тоҷикистон профессор Азиза Азимова ҷараён дорад. Дар конфронси мазкур дар мавзуъҳои «Маликаи рақси тоҷик», «Ҳаёт ва фаъолияти эҷодии Азиза Азимова», «Азиза Азимова иштирокчии якумин Даҳаи адабиёт ва санъати тоҷик дар шаҳри Маскав», «Нақши Азиза Азимова дар рушди санъати рақси касбии тоҷик», «Саҳми Азиза Азимова дар тарбияи мутахассисони баландихтихтисои санъати рақс», «Азиза Азимова асосгузори кафедраи санъати рақси ДДФСТ ба номи М. Турсунзода», «Азиза Азимова и её вклад в развитие балета в Таджикистане» ва дигар мавзуъҳо маърӯза мекунанд. Дар поёни конфронс дар толори консертии донишкада барномаи фарҳанги бахшида ба 100-солагии ҳаёт ва фаъолияти омӯзгориву эҷодии Ҳунарпешаи халқии Тоҷикистон профессор Азиза Азимова баргузор мегардад.