Нуробод: муҳоҷирати дохилӣ идома дорад

Нуробод, 9.12.2015. (АМИТ «Ховар»).-Ба иттилои мақомоти иҷроияи ҳокимияти давлатии ноҳияи Нуробод бо оғоз гардидани сохтмони НБО-и  Роғун  танҳо аз ноҳияи Нуробод  зарурати кӯчонидани  42 деҳа, 2876 хоҷагӣ, 2147оила, ки зиёда аз 24200 нафар аҳолиро ташкил медиҳад, аз ҳафт ҷамоати деҳот  ба миён омад.
 Мувофиқи ҷадвал  бояд дар соли 2009  737 оила, 3551 нафар  аз ҷамоати деҳоти Комсомолобод, деҳаи Сари пул 192 оила, маҳаллаи Поён 72 оила, маҳаллаи Фурудгоҳ 32 оила, кормандони дастгоҳи раиси ноҳия  52 оила ва аз ҷамоати деҳоти Ҳакимӣ   деҳаи Чорсада 230 оила  ва деҳаи Алигалабони  поён 22 оила кӯчонида мешуд.
      Дар асоси  нақшаи муҳоҷират  аз марҳилаи якуми  зериобмонии  солҳои 2009, 2012,  2014  то ба имрӯз 722 хоҷагӣ  ва оилаҳо  аз  деҳаҳои Чорсада  233 оила,  Алигалабони  поён 33 оила, маҳаллаи Поён  72 оила, деҳаи Фурудгоҳ 33 оила, деҳаи Сари пул 190 оила,, хоҷагиҳои зери хавф  ва кормандони дастгоҳи раис  43 оила бо   замин, таҳкурсӣ  ва хонаҳои истиқоматӣ  таъмин   шудаанд.
     То имрӯз дар ноҳияи Данғара  аз марҳилаи  якум  256 оила  дар маҳаллаҳои 1,2,3 бо замин ва таҳкурсӣ  таъмин гардидаанд. Дар мавзеи Моинкаҷ  ва Теппаи Самарқандии ноҳияи Рӯдакӣ 261 оила  ва дар шаҳри Турсунзода  6 оила  бо таҳкурсӣ ва 372 сардорони хоҷагию оилаҳо бо қитъаи замин  таъмин гардидаанд.