Об дар ноҳияи Абдураҳмони Ҷомӣ фаровон шуд

Душанбе, 21.12.2015. (АМИТ «Ховар»).- Мушкили беобии беш аз се ҳазор сокини ноҳияи Абдураҳмони Ҷомӣ роҳи ҳал пайдо намуд. 
Чанде пеш чаҳор чоҳи амудӣ дар кӯчаи Сомониёни маркази шаҳрак, деҳаҳои «Маданият» ва «Помир»-и ноҳия барқарор шуд ва сокинони маҳаллӣ ба оби софи нӯшиданӣ дастрасӣ пайдо намуданд.
Ба иттилои Ҳоким Шералиев, сардори Корхонаи фаръии давлатии «Оби шаҳраку деҳот» дар ҳамкорӣ бо созмонҳои «Наҷоти Арал» ва «КАРИТАС-Тоҷикистон» якчанд қубури  обкаш аз Санкт-Петербурги Русия харид ва дар чоҳҳои амудии ноҳия насб гардидаанд.
Маъмурияти КФД «Оби шаҳраку деҳот» ҳамчунин азм дорад, ки як чоҳи амудиро дар боғи марказии фароғати фарҳангии ноҳияи Абдураҳмони Ҷомӣ ва  чоҳи дигарро дар кӯчаи Айнии маркази ноҳия барқарор кунад.