Қочокчӣ бори чорум дастгир гардид

Душанбе, 14.12.2015. (АМИТ «Ховар»).- 28 кг 502 грамм маводи нашъаовари ҳашиш аз мошини тамғаи “Опел-Вектра”, ки аз ҷониби кормандони Раёсати Агентии назорати маводи нашаъаовар шабонарӯзи гузашта дар вилояти Хатлон боздошт гардид, дарёфт шуд. 
Дастгиршуда шаҳрванди 46-сола қаблан барои даст доштан дар муомилоти ғайриқонунии маводи нашъаовар се маротиба суд шуда буд, аммо хулосаи зарурӣ набароварда, маротибаи чорум барои интиқоли маводи нашъаовар дастгир гардид.
Аз рӯи ин ҳодиса парвандаи ҷиноӣ оғоз гардидааст.