Роғун: Нақшаи андоз ва дигар пардохтҳои ҳатмӣ 118,7% таъмин гардид

Роғун, 31.12.2015. (АМИТ «Ховар»). — Нозироти андози шаҳри Роғун дар ҳамкорӣ бо Мақомоти иҷроияи маҳаллии ҳокимияти давлатии шаҳр ва дигар мақомоти ҳифзи ҳуқуқ барои баланд бардоштани самаранокии кори соҳа кӯшиш ба харҷ дода, дар 11 моҳи соли 2015 нақшаи андозҳо ва дигар пардохтҳои ҳатмиро ба андозаи 118,7% таъмин кард ва ба ҷойи 90820,7 ҳазор сомонии нақшаи пешбинишуда ба буҷет дар маҷмӯъ (бо назардошти андози иҷтимоии ғайри буҷетӣ) 107822,1 ҳазор сомонӣ ворид шуд, ки он нисбат ба нишондиҳандаҳои нақшавӣ 17001,4 ҳазор сомонӣ зиёд ва нисбат ба маблағҳои дар ҳамин давраи соли гузашта воқеан чамъоварӣ гардида, ба маблағи 24466,3 ҳазор сомонӣ зиёд мебошад. Нақшаи андози иҷтимоӣ аз ҳисоби ташкилоти ғайрибуҷетӣ дар давраи 11 моҳи соли 2015 ба андозаи 118,1 % таъмин гардида, ба ҷойи 39714,2 ҳазор сомонии пешбинишуда ба буҷети Агентии давлатии суғуртаи иҷтимоӣ ва нафақа 46894,6 ҳазор сомонӣ ворид карда шуд, ки нисбат ба нақша 7180,4 ҳазор сомонӣ зиёд ва нисбат ба маблағҳои дар ҳамин давраи соли гузашта воқеан чамъоваригардида ба маблағи 12189,1 ҳазор сомонӣ зиёд мебошад.
Андози иҷтимоии буҷетӣ дар давраи 11 моҳи соли 2015 3200,1 ҳазор сомонӣ ба нақша гирифта шуда, иҷрои он ба маблағи 3212,8 ҳазор сомонӣ ё 100,4 % таъмин гардид, ки нисбат ба нақшаи пешбинишуда 12,7 ҳазор сомонӣ зиёд мебошад.
Нақшаи андозҳои буҷети маҳаллӣ дар давраи 11 моҳи соли 2015 ба андозаи 125,5% иҷро гардида, ба ҷои 26707,7 ҳазор сомонии пешбинишуда ба буҷет 33535,1 ҳазор сомонӣ ворид гардид, ки нисбат ба нақшаи пешбинишуда ба маблағи 6827,2 ҳазор сомонӣ зиёд мебошад.