С. Аслов ба сафири нави Алҷазоир дар фаъолияти дипломатиаш дар Тоҷикистон комёбӣ таманно кард

Душанбе, 8.12.2015 (АМИТ «Ховар»).-  7 декабри соли 2015 вазири корҳои хориҷии Ҷумҳурии Тоҷикистон Сироҷидин Аслов нусхаи эътимодномаи Сафири Фавқулода ва Мухтори Ҷумҳурии Халқии Демократии Алҷазоир дар Ҷумҳурии Тоҷикистон Насер Бушеритро қабул намуд.
Зимни суҳбат ҳолат ва дурнамои рушди ҳамкории Тоҷикистон ва Алҷазоир баррасӣ шуданд. Бар зарурати таҳкими робитаҳои сиёсӣ ва тавсеаи ҳамкорӣ дар соҳаҳои иқтисод, тиҷорат, энергетика, маориф ва дигар соҳаҳои мавриди таваҷҷуҳи тарафайн таъкид гардид 
Доир ба масъалаҳои муҳими минтақавӣ ва байналмилалӣ ва инчунин густариши ҳамкорӣ дар ҳошияи созмонҳои байналмилалӣ, аз ҷумла Созмони Миллали Муттаҳид ва Созмони ҳамкории исломӣ табодули назар сурат гирифт.