С.Аслов нусхаҳои эътимодномаҳои сафирони се давлати аврупоӣ қабул кард

Душанбе, 10.12.2015 (АМИТ «Ховар»).- 10 декабри соли 2015 маросими супоридани нусхаҳои эътимодномаҳои сафирони навтаъйини се давлати аврупоӣ ба вазири корҳои хориҷии Тоҷикистон Сироҷидин Аслов баргузор гардид.
Нусхаҳои эътимодномаҳои худро сафирони Фавқулода ва Мухтори Ҷумҳурии Литва Витаутас Наудужас, Ҷумҳурии Латвия Эдгарс Бондарс ва Шоҳигарии Испания Педро Хосе Санз Серрано супориданд.
Пас аз маросим мулоқоти дуҷонибаи Сироҷидин Аслов бо сафирони навтаъйин доир гардид, ки зимни он ҳолати кунунӣ ва дурнамои рушди муносибатҳои Ҷумҳурии Тоҷикистон бо он кишварҳо, инчунин ҳамкорӣ дар доираи созмонҳои байналмилалӣ ва Иттиҳоди Аврупо мавриди баррасӣ қарор гирифтанд.
С. Аслов сафиронро  барои  ба ин вазифа таъйин шуданашон табрик намуда, ба онҳо  барои  амалигардонии фаъолияти касбиашон комёбиҳо таманно намуд.