Соҳаи маорифи Бадахшон ба давраи зимистон омодааст

Душанбе, 17.12.2015 (АМИТ «Ховар»).-Барои  таъмини муассисаҳои соҳаи маорифи вилояти Бадахшон  бо ангишт ва  ҳезум 5810,6 ҳазор сомонӣ ҷудо гардид. Ин нукта дар маҷлиси назди раиси вилояти Бадахшон  «Дар бораи сари вақт омода намудани соҳаҳои иқтисодиёт ва иҷтимоиёти вилоят барои фаъолияти мунтазам ва самарабахш дар давраи тирамоҳу зимистони солҳои 2015-2016» таъкид гардид . 
Зикр  гардид, ки то ба ин вақт дар муассисаҳои таълимӣ миқдори 5572,1 (94,7 %)  тонна ангишт ва ҳезум 7766,1м3, (92,6%) захира шудааст. Инчунин дар муассисаҳои таълимии вилоят 102 генератори барқӣ вуҷуд дорад, ки дар мавриди набудани барқ барои фаъол намудани компютерҳо истифода мешаванд.