Агентии омор: 9,5 ҳазор корҳои оморӣ иҷро шуданд
Душанбе, 20.01.2016 (АМИТ «Ховар»).-Дар Агентии омори назди Президенти Ҷумҳурии Тоҷикистон ҷаласаи васеи мушовараи Агентии омор баргузор гардид. Директори Агентии омори назди Президенти Ҷумҳурии Тоҷикистон Гулнора Ҳасанзода гуфт, ки Агентии омор барномаю нақшаҳои иқтисодию иҷтимоии фаъолияти худро ба роҳ монда, вазифаҳои дар наздаш гузошташударо пурра иҷро кард ва 9,5 ҳазор корҳои оморӣ иҷро шуданд.
Дар давоми ҷаласа ҳисоботи сардорони сарраёсатҳои агентӣ дар вилоятҳо ва раёсатҳо, шуъбаҳо ва бахшҳои Агентии омор дар ноҳияҳои тобеи ҷумҳурӣ шунида шуда, аз ҷониби роҳбарияти агентӣ барои боз ҳам баланд бардоштани сатҳу сифати фаъолият дастуру тавсияҳои судманд дода шуданд.
Аз мақомоти маҳаллии омори давлатӣ пешниҳоди саривақтии маълумоти эътимодноки оморӣ ва қатъиян роҳ надодан ба ҳолатҳои бе ҳуҷҷатҳои тасдиқкунанда ҷамъбаст ва пешниҳод намудани ҳисоботи оморӣ талаб карда шуд.
Дар ҷараёни ҷаласа масъалаҳои гуногуни пешбурди босифати корҳои оморӣ, саривақтӣ ва дақиқияти маълумоти омории тавсифкунандаи ҳамаи соҳаҳои иҷтимою иқтисодӣ, риояи методологияи амалкунанда оид ба ташаккули омори расмӣ баррасӣ гардиданд.
Ба мақомоти омори маҳаллӣ барои пура ва дақиқ ба ҳисоб гирифтани саршумори чорвои калон ва хурд, наслгирӣ ва маҳсулнокии маҳсулоти соҳаи чорвопарварӣ, дар соҳаи омори растанипарварӣ бунёди майдонҳои боғу токзори нав, гармхонаҳо ва истеҳсоли маҳсулоти аз ҳисоби гармхонаҳо истеҳсолшуда, инчунин оид ба истеҳсоли орд, воридоту содироти маҳсулоти истеъмолӣ, афзоиши табиии аҳолӣ, фавт ва таваллуд, нархҳои воқеии бозорҳои марказӣ ва дигар супоришҳои қатъӣ дода шуданд.
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
