Ба беш аз ҳазор шаҳрванди Тоҷикистон иҷозаи дубораи вуруд ба ФР дода шуд

Январь 22, 2016 14:28

Душанбе, 22.01.2016 (АМИТ «Ховар»).- Аз ҷониби Хадамоти федералии муҳоҷирати Федератсияи Русия ба 1 ҳазору 444 шаҳрванди Ҷумҳурии Тоҷикистон, аз ҷумла 190 донишҷў иҷозаи вуруди дубора ба қаламрави Федератсияи Русия дода шуд. Дар ин бора дар нишасти матбуотии Вазорати меҳнат, муҳоҷират ва шуғли аҳолӣ имрӯз хабар доданд.
Тибқи маълумоти Хадамоти федералии муҳоҷирати Русия дар 9 моҳи соли 2015 зиёда аз 400 ҳазор шаҳрванди Ҷумҳурии Тоҷикистон дар Федератсияи Русия фаъолияти меҳнатиро расман дар асоси патент ба роҳ мондаанд, ки насбат ба ҳамин давраи соли гузашта 10 фоиз зиёд мебошад. Шумораи шаҳрвандоне, ки ба гурўҳи хатар ворид шудаанд, 353 ҳазору 345 нафарро ташкил дода, он нисбат ба ҳамин давраи соли гузашта 234 ҳазору 150 нафар (соли 2014 — 587 495) ё 40 фоиз коҳиш ёфтааст.
Бино ба иттилои масъулини вазорат, бо дахолати кормандони Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия дар давоми соли 2015 маблағи 50 млн. 734 ҳазору 682 рубли русӣ музди меҳнати пардохтнашудаи муҳоҷирони меҳнатӣ — шаҳрвандони Ҷумҳурии Тоҷикистон аз тарафи корфармоён баргардонида шуд. Бо мусоидати намояндагӣ 48 қарори суди ноҳивӣ бо қарори суди болоӣ бекор карда шуда, 352 парванда дар ҳолати баррасии судҳои болоии шаҳри Маскав ва вилояти Маскав қарор дорад.

Январь 22, 2016 14:28

Хабарҳои дигари ин бахш

Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Панҷакент оид ба омодагии ҷавонон ба хизмати ҳарбӣ машварат баргузор шуд