Чорабинӣ ба хотири оғози таҳсилоти маълумоти дуюм

Душанбе, 7.12.2015. (АМИТ «Ховар»).- Дар Донишкадаи идоракунии давлатии назди Президенти Ҷумҳурии Тоҷикистон чорабинӣ ба хотири оғози таҳсилоти маълумоти дуюм баргузор гардид.
Дарсҳои таҳсилоти дуюм аз рӯи ихтисоси идоракунии давлатӣ бо низоми кредитӣ аз курси сеюм дар шакли ғоибона гузаронида мешаванд.
Донишкада моҳи августи соли 2015 соҳиби Иҷозатнома оид ба ҳуқуқи пешбурди фаъолияти таълимӣ дар соҳаи таҳсилоти касбии баъд аз муассисаи олии таълимӣ (магистратура ва маълумоти дуюми олии касбӣ) гардид. Дар асоси он дар донишкада таҳсил дар магистратура аз рӯи ихтисоси «Амнияти иттилоотӣ» ва маълумоти дуюми олии касбӣ аз рӯи ихтисосҳои «Идоракунии давлатӣ» ва «Идоракунии ҳайат» (таҳсил дар шуъбаи ғоибона) ба тариқи буҷавӣ ва шарнома сурат мегирад.