Дар Хатлон истифодабарандагони корти пластикӣ зиёд гардиданд
Қурғонтепа, 19.01.2016 (АМИТ «Ховар»). -Дар соли 2015 дар вилояти Хатлон миқдори нуқтаҳои пулгузаронӣ (банкоматҳо) ва терминалҳо афзуданд.
Тавре ки ба АМИТ «Ховар» хабар доданд, дар шуъбаи қурғонтеппагии Бонки миллии Ҷумҳурии Тоҷикистон дар соли гузашта шумораи ин нуқтаҳои пулгузаронӣ ба 133 адад расид. Ҳоло 128 нуқтаи пулгузаронӣ (банкомат) ва 421 постерминал фаъолият менамоянд. Дар навбати худ дар муддати як сол истифодабарандагони кортҳои пластикӣ 78 ҳазору 964 нафар зиёд шуда, дар маҷмӯъ 308 ҳазору 911 ҳазорро ташкил доданд.