Эштон Картер гуфт, ҳарбиён се ҳадаф доранд

Душанбе, 23.01.2016 (АМИТ «Ховар») – Дивизияи яккачини десантӣ ва чархболҳои ҷангӣ  барои анҷом додани амалиёти десантӣ омодааст, — изҳор кардааст, вазири мудофиаи Амрико Эштон Картер. Тибқи суханони ӯ барои мубориза ба муқобили гурӯҳҳои террористӣ ба кишварҳои Ироқ ва Сурия дивизияи ҳавоӣ-десантии 101-ум фиристонида мешавад. Нақшаи амалиёти десантӣ бо аъзои дигари эътилофи байналмилалӣ – Фаронса, Олмон, Австралия, Италия, Британияи Кабир ва Ҳоланд ҳамоҳангу мувофиқат шудааст. Тавре ки расонаҳо хабар медиҳанд, зимни мусоҳибаи худ вазири мудофиаи Амрико Эштон Картер гурӯҳи террористии ба ном «Давлати исломӣ»-ро саратон номида, се вазифаи муҳими эътилофи байналмилалиро номбар кардаст: пеш кардани террористон аз шаҳрҳои Мосул ва Ракка, дар тамоми кишварҳои рӯи олам решакан намудани вабои «саратон»- терроризм, яъне ДИИШ ва савум ҳифзи Ватани худ аз гурӯҳҳои террористӣ.

Ёдовар бояд шуд, ки дар давоми ду соли охир гурӯҳи террористии ба ном «Давлати исломӣ» дар ҳудуди кишварҳои Сурия ва Ироқ ҷойгир шуда, ба амалҳои террористии зиддиинсонӣ анҷом медиҳад.