КМТ: 11 ҳазору 156 нафар рӯзномаву маҷалла мутолиа кардаанд

Душанбе, 16.01.2016. (АМИТ «Ховар»).- Соли 2015 дар Китобхонаи миллии Тоҷикистон 11 ҳазору 156 нафар аз шуъбаи матбуоти даврӣ рӯзномаву маҷалла мутолиа кардаанд. Ин дар муқоиса ба соли 2014 4489 нафар зиёдтар аст.
Ба хонандагон 42 ҳазору 669 рўзномаву 11 ҳазору 940 маҷалла пешниҳод шуда, бо дархости худи онҳо ба Шуъбаи абанементи байни китобхонаҳо 1541 номгўй маҷалла пешниҳод шудааст.
Барои таъмини талаботи рўзмарраи хонандагон ҳар ҳафта 47 номгўй рўзнома бо забони давлатӣ, 19 номгўй маҷаллаҳои дохилӣ, 6 номгўй рўзнома бо забони русӣ ва 55 номгўй маҷаллаи хориҷӣ қабул гардида, бо рақамгузории махсуси бибилиографӣ ба фонди шуъба ворид шуд, ки дар маҷмўъ 12 ҳазору 363 нусхаро ташкил медиҳад.